Он гарснаас хойш Монголбанк 1.5 тэрбум долларыг иргэд, бизнес эрхлэгчдэд нийлүүлсэн нь валютын нөөц буурахад нөлөөлжээ. Харин дотоодын уул уурхайн компаниуд экспортын орлого болох 500 сая долларыг Монголбанкинд нийлүүлсэн байна.

 Тухайлбал "Эрдэнэт үйлдвэр" 258 сая ам.доллар, "Оюутолгой" компани 194 сая ам.доллар, Эрдэнэс Тавантолгой компани 23 сая долларыг тус тус Монголбанкинд худалджээ. Үүнээс гадна Монголбанк 2.4 тонн алтыг дотоодын уул уурхайн компаниудаас худалдаж авсан байна. Зах зээлийн үнэ нь ойролцоогоор 160 сая орчим ам.долларын алт худалдаж авч, валютын нөөцдөө нэмэрлэсэн гэсэн үг юм. Цаашид ам.долларын ханш тогтвортой байх, гадаад гуйвуулгыг саадгүй хийхийн тулд долларын орлого олдог уул уурхайн экспортоо нэмэгдүүлэх шаардлагатай, зэс, нүүрс, алтны үнэ өндөр байгаа боломжийг ашиглах ёстой хэмээн Монголбанкны Ерөнхийлөгч Б.Лхагвасүрэн онцолж хэлэв.