Боловсролын ерөнхий газар гэдэг айлыг яамаар ч юм бэ дээ ... Сүүлийн гурван жилд улсын төсвийн хөрөнгө оруулалтаар боловсролын салбарт зориулан худалдан авсан нийтдээ 5.4 тэрбумын өртөгтэй, 117 нэр төрлийн 21 мянган ширхэг  тоног төхөөрөмж одоо болтол нийлүүлэгч компаниудын агуулахад хэвтэж байгаа нь илэрчээ. Шаардлагатай хэрэгтэй гэж тендер зарлуулж эсвэл шууд худалдан авалтаар авсан хэрнээ аваад ирэхээр нь авдаггүй гэнэ. Өдгөө олон тэрбумын бараа зориулалтын дараа ашиглагдахгүй хэвтсээр  хадгалалтын горим зорчигдөж, муудаж эвдэрч сүүлдээ алга болох, үрэгдэх эрсдэлд оржээ. Эдгээр тоног төхөөрөмжүүдийн эцийн хэрэглэгч нь сурагчид, багш нар гэдэг нь мэдээж. Тэдэнд өгөхгүй юм бол төсөл арга хэмжээнд хэрэглэнэ хэмээн сүртэй худалдаж авахын хэрэг байна уу ... Үүний гол буруутан нь Боловсролын ерөнхий газар гэнэ. Яамны сайд нь энэ том толгойтой газартаа хэзээ анхаарлаа хандуулах  бол ... Сайдтан “ниргэсэн хойно нь хашгирав” гэдэг үгийг хэлэх дуртай юм билээ. Үнэтэй тоног төхөөрөмжүүд эвдрээд муудаад, үрэгдээд дууссан хойно энэ үг толгой дээр нь буух вий дээ...