МАН-ын нэр дэвшигчид тодрохгүй цаг нь хойшилсоор. Тойрог цөөн, хүмүүс олон. МАН шиг арвин нэр дэвшигчтэй газар тойроггүй хоцорвол гомдогсод олон. Харин МАН-аас гомдогсдыг Үндэсний эвслийн удирдагч Н.Номтойбаяр тосон авч, тойрог олгохоо амлаж сууна. УИХ-ын гишүүн А.Ундраа Номтойбаярыг бараадсанаа аль эрт зарласан. А.Ундраагийн араас явах гишүүн цөөнгүй байна. Н.Номтойбаяр МАН-ын гомдогсдыг хажуудаа авч, энэ сонгуульд МАН-ын хүчийг задлах бодлого барьж буй бололтой. Энэ аргыг хэн зааж өгсөн байх вэ. Мэдээж гарцаагүй Мэндсайханы Энхсайхан. Тэрчлэн Миеэгомбын Энхболд ч ард нь гэмгүй номхон царайлаад сууж байж мэднэ. Ардчилсан намаас Женко Баттулгад түрэгдсэн М.Энхсайхан Н.Номтойбаяртай ойртсон. Тэрчлэн сайн эр хоёр төрд үйлчилдэг гэгчээр ХҮН-д ч ажиллаж байгаа. Ингэж байж нэг сумаар 2 туулай буудаж, МАН-ын ч АН-ын ч хүчийг сулруулах бололтой.