Малайзын нийслэл Куал-Лампур хотын Петанлинг Жаяа дүүрэгт замын хаалт хариуцаж байсан 30 настай цагдаа нь гадаадын хоёр эмэгтэй сууж явсан машиныг зогсоон улмаар зочид буудалд аваачин хүчирхийлсэн хэрэг 4-р сарын 10-нд гарчээ. Замын цагдаа нь хохирогчдыг зочид буудалд 24 цаг хүчээр байлгасан агаад цагдаагийн тусгай хэсгийнхэн очиж суллажээ. Петанлинг Жаяа дүүргийн цагдаагийн хэлтсийн орлогч дарга Ник Эзане Мохид Файзалын мэдэгдсэнээр хохирогчид нь Монголын харьяат 20 болон 30 настай иргэд гэнэ. Өдгөө замын цагдааг баривчилсан агаад хохирогчдын найз болох хүн цагдаа нарт хэлмэрчилж байна. Мөн хохирогчдыг цагдаагийн хамгаалалтанд авчээ. Өмнө нь Малайзид 2006 онд Монгол улсын иргэн Ш.Алтантуяагийн амийг маш харгис хэрцгий аргаар хөнөөсөн хэрэг гарсан билээ.
