Салдангийн Одонтуяа анх сeйф зардаг Сeнтоза төвийн эзнээс 2008 онд анх УИХ-ын гишүүн болсноор улс төрийн тавцангаас буусангүй. УИХ-ын гишүүнээр сонгогдохгүй уналаа гэхэд дүүргийн Засаг дарга дээр бууж, улс төрд азтай одтой явна. Энэ нь түүний хатан ухаан, бүсгүй аальтай холбоотой гэх.
Анх С.Эрдэнэ вангийн дэмжлэгээр улс төрд хөл тавьсан. С.Эрдэнэ УИХ-ын гишүүн болохдоо Эрдэнэ вангийн хошуу гэж алдаршсан Баянгол дүүргийн Засаг даргын албыг УИХ-ын сонгуульд ялагдсан Салдангийн Одонтуяад залгамжлуулж үлдээсэн билээ.
Харин С.Эрдэнэ УИХ-ын гишүүнээс унаж, Eрөнхийлөгчийн сонгуульд ялагдан, нам доторх нөлөө буурахад Одонтуяа Жeнко руу очсон гэх. АН-ын залуус ч “Мандуул хаан үхэж манийн жаргал эхлэв” гэдэгтэй адил тал талд дарга томилж, нам доторх зодоон эхэлсэн. Энэ үед л “Батмөнхийг хаан болон залаад би хатан нь болно” гэх цуут хатны орчин үеийн түүх С.Одонтуяа сайдад тохиолдсон гэнэм.
Мөн Ардчилсан нам гурван даргатай болоход цагаан сараар гурван даргатай гурвууланд нь очиж золгосон мяндсан ухаантай хүн бол С.Одонтуяа.
Тэрчлэн Ардын намын удирдлагын төвшний залуучуудтай ар хударгаар уулзсаар УИХ-ын дэд дарга болоод амжсан гэдэг. Энэ 2024 оны УИХ-ын сонгуулиар АСЗ-ны мандатаар УИХ-ын гишүүн болонгуутаа Бат-Өлзийн Бат-Эрдэнэ сайдын “алтан улиас”-ыг хуга мөргөж”, Байгаль орчин, уур амьсгалын өөрчлөлтийн сайд болж, өөрийгөө мандуулав. Энэ нь АН,МАН-ын удирдлагын төвшний залуусын хооронд яриа хөөрөө хийж, мундахгүй гүйсний ач гэлцэнэ.
Салдангийн Одонтуяа УИХ-ын гишүүн болонгуутаа Ардчилсан эмэгтэйчүүдийн холбооны дарга болж, эмэгтэйчүүдээ "атгасан". Тэгээд эмэгтэйчүүдийн квотыг зарах болсон талаар тэмцэгч Г.Хажидмаа их ч ярьсан даа. Энэ наймаа бүр өргөжиж Ардчилсан эмэгтэйчүүдийн холбооны жагсаалтын үнэ 8 тэрбум хүрсэн тухай ордны тамхины цэгээр яригдах боллоо. Энэ наймаа УИХ-ын гишүүн Фортуна Батбаярын охин Б.Жаргалан, Салдангийн Одонтуяа хоёрын хооронд явагдсан байж болзошгүй тухай хов үг тархаж байна шүү.
