ХУД-ийн шуурхай зөвлөгөөн боллоо

ХАН-УУЛ ДҮҮРГИЙН УДИРДАХ АЖИЛТНУУДЫН ШУУРХАЙ ЗӨВЛӨГӨӨН 2026 ОНЫ 9 ДҮГЭЭР САРЫН 15-НЫ ӨДӨР ЗОХИОН БАЙГУУЛАГДЛАА.

Хан-Уул дүүргийн шуурхай зөвлөгөөн өнөөдөр болж, дүүргийн Засаг дарга Б.Цэрэн удирдан явуулав.

Шуурхай зөвлөгөөнөөр Засаг даргын дэргэдэх байгууллагын 14 хоногийн нөхцөл байдлын мэдээ, өргөдөл гомдол, албан бичгийн шийдвэрлэлтийн хэрэгжилтийг танилцууллаа.

Удирдах ажилтнуудын шуурхай зөвлөгөөнөөр

• Тэрбум мод үндэсний хөтөлбөрийн хүрээнд зохион байгуулагдах бүх нийтийн мод тарих арга хэмжээнд идэвх санаачлагатай оролцох

• Мэргэжлийн байгууллагын оролцоог ханган шарилж устгалын ажлын санал, төлөвлөгөө боловсруулан танилцуулах

• Эрүүл мэндийн байгууллагууд бэлэн байдлаа ханган үйлчилгээний чанар хүртээмжийг нэмэгдүүлэх чиглэлээр тодорхой санал боловсруулж, төлөвлөгөө батлуулан хэрэгжүүлэх

• “Хотын дарга сонсож байна” 150150 тусгай дугаарт ирж буй санал хүсэлтийг шийдвэрлэх ажлын хэсэг байгуулж хэрэгжилтийг танилцуулж ажиллах

• Монгол Улсын Засгийн газрын 2026 оны “Ахмад настны талаар 2026-2028 онд хэрэгжүүлэх арга хэмжээний төлөвлөгөө батлах тухай” 302 дугаар тогтоолын хэрэгжилтийг хангах, Нийгмийн хөгжлийн хэлтэст тайлан мэдээг цаг хугацаанд нь хүргүүлж ажиллах

• Хүүхдийн төлөө үндэсний зөвлөлийн 2026 оны 05 дугаар сарын 31-ний өдрийн 03 дугаар тогтоолоор батлагдсан “Хүүхдийн төлөө За бол Заавал хийе” үндэсний хөдөлгөөнийг хэрэгжүүлэх ажлын хэсэг байгуулан, үйл ажиллагааны нэгдсэн зураглал, календарчилсан төлөвлөгөө гарган батлуулж хэрэгжилтийг зохион байгуулах.

• Хүүхдийн төлөө үндэсний зөвлөлийн 2026 оны 06 дугаар сарын 18-ны өдрийн 04 дүгээр тогтоолоор батлагдсан “Хүүхдийн төлөө үндэсний зөвлөлийн дүрэм”-тэй уялдуулан дүүргийн Хүүхдийн төлөө зөвлөлийн дүрмийг шинэчлэн батлуулж, мөрдүүлэх үүрэг даалгавар, чиглэл өглөө.

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.