Нийслэлийн 380 жилийн ой гэж хэдэн өдөр дараалан баярлаж, одон тэмдэг тараасан Хотын удирдлагууд ажилдаа оржээ. Ингэхдээ ирэх 2020 оны төлөвлөгөөндөө 10 мянган программист бэлдэнэ гэж тусгажээ. Уг нь Монгол, Япон улсын Засгийн газар хоорондын гэрээгээр БСШУСЯ, “Жайка” хариуцан 10 жилийн хугацаанд Японд 1000 инжинер бэлдэх төсөл хэрэгжиж байгаа. Гэтэл хажуунаас нь Хотын даргын баг ганцхан жилд 10000 програмист бэлдэх гэнэ. Хотын захиргаа гэдэг дээд сургууль биш дээ. Харин 10 мянган программист бэлтгэх нэрээр 10 мянган хүнтэй троллын арми ажиллуулах бололтой. 10 мянган программист бэлдэхдээ хичнээн төгрөг зарцуулах нь бүрхэг байгаа нь хачирхалтай. Хотын даргын баг хогны машин, жийп машины үнийг зах зээлийн үнээс өндрөөр авдаг болохоор 10 мянган программистыг ч хямд үнээр бэлтгэхгүй болов уу.
