Ах дүүгийн найрамдалтай гэдэг Орос нь манай улсын эсрэг худалдаа-эдийн засгийн хатуу бодлого явуулдаг. Саяхан Дэлхийн худалдааны байгууллагад Оросын импортын гурил, сүүнд хязгаарлалт, квот тогтоосон хэмээн Монголын эсрэг зарга үүсгэжээ. Швейцарьд суугаа Монголын элчин сайд энэ хэргээр Зах зээлийн асуудал эрхэлсэн хороо буюу Committee on Market Access-д дуудагдаж тайлбар өгсөн байна.  Манай асуудал энэ хороогоор хэлэлцэгдсэний дараа Худалдааны зөвлөл буюу Council on Trade in Goods-оор орох аж. Бодит байдал дээрээ  Орос нь Монголын бараанд 68 хувийн импортын маш өндөр татвар тавьдаг. Ийн атлаа манай улсад Дэлхийн худалдааны байгууллагаар дамжуулан шахалт дарамт үзүүлж байна.