Хэнтий аймгийн Дэлгэрхаан сумын Хэрлэн-Баян-улаан тосгоны ойролцоо 2020 оны 5 сарын дундуур олон тооны өвөгт тогоруу үхжээ. Энэ дагуу шувуу судлаачид газар дээр нь очиж ажилласан. Шувуу судлаачид тус тосгоны иргэдийн төлөөллийн хамтаар судалгаа хийх явцад нийт 15 өвөгт тогоруу, 1 хондон ангир үхсэн байхыг олж тогтоожээ. Түүнээс хойш нэмж 20 гаран шувуу үхсэнийг олж, орон нутгийн мэргэжлийн хүмүүс устгал хийжээ. Үхсэн тогоруунаас дээж болгон шинжилгээнд явуулахад бромадиолин хэмээх мэрэгч устгалын хорны найрлагад ордог химийн бодис илэрсэн байна. Үүнтэй төстэй асуудал 2002 онд манай оронд тохиолдож олон тооны тогоруу болон бусад шувуу, махчин амьтад, мөн хоёр хүүхдийн амь хүртэл эрсэдсэн тохиолдол бий. Энэ жил улсын төсөвт ихээхэн хэмжээний төгрөг бэлчээр хамгаалах нэрийн дор мэрэгч амьтдыг устгах хоронд төсөвлөсөн. Бромадиолин нь буруу хэрэглэсэн тохиолдолд ямар ч бүлээн цуст амьтдыг үхэлд хүргэх эрсдэлтэй. Дээрх шувуудаас гадна өөр хаана хичнээн тооны хөхтөн, шувууд үхсэнийг мэдэхгүй. Үлийн цагаан оготно, мэрэгч утсгах бодим цацах нь эргээд байгаль экологийн маш том аюул болж байна. Иймд БОАЖЯ болон ХХААХҮЯ анхааралдаа аван цаашид энэ асуудлыг АМЬТАНД ЭЭЛТЭЙ шийдэх талаар Манай нийгэмлэг болон "Зэрлэг амьтан судлан хамгаалах нийгэмлэг"-ээс БОАЖЯ-нд болон Хэнтий аймгийн ХХААГ, Дэлгэрхаан сумын удирдлагуудад албан тоотууд илгээжээ.