Ерөнхий сайд асан С.Баяр Улсын Дээд Шүүхэд давж заалдан хэргээ цагаатгах, ядаж хугацаа хасуулах боломжоос татгалзав. Тэр Монголын төрөөс оноосон 2.6 жилийн ялыг "биеэр эдэлнэ" хэмээн зөрүүдлэв. Шалтгаан нь түүнтэй нэг хэргээр ял авсан найзынх нь бие тун тааруу, 2 ч удаа сэхээнд оржээ. Уг найз нь 1 жилийн хорих ялаар шийтгэгдсэн тул ялынхаа 50%-г биеэр эдэлсэн тохиолдолд магадлангаар суллагдах боломжтой. Харин С.Баяр давж заалдвал хугацаанаасаа өмнө суллагдах боломж нь хаагдана. Иймд насан багынхаа найзын төлөө өөрийн асуудлыг хойш тавьжээ. Монголын улстөрд "хатуу" тодотголтой явсан С.Баяр дарга өөрөө ч хууч өвчинтэй. Гэхдээ шоронд эргэлт авахгүй, худал хэргийн төлөө уучлалт гуйхгүй гэдэг гэнэ. Энэхүү дуулиант хэргийн үнэн зөвийг гагцхүү цаг хугацаа л шүүх байх даа.