Коронавируст халдварын тандалтыг эрчимжүүлэх, тархалтыг бууруулах, өрхийн эрүүл мэндийн төвд дэмжлэг үзүүлэх зорилгоор хувийн автомашинтай жолоочийг ажилд урьж байгаа тухай НОК-оос мэдээлсэн байна.

Энэ хүрээнд хувьдаа автомашинтай иргэд өөрийн тээврийн хэрэгслийг ашиглаж, өрх болон тосгодын эрүүл мэндийн төвтэй хамтарч ажиллах аж.

Хийх ажлын хувьд: Гэрийн хяналт хийх, эмийн багц хүргэх, нөөц татан авалт хийх, шинжилгээ авах зэрэг ажилд эрүүл мэндийн ажилтныг тээвэрлэх, шаардлагатай тохиолдолд батлагдсан тохиолдлыг эмнэлэгт хүргэх юм байна.

Ажиллах ердийн нөхцөл:

• Коронавируст халдвар /Ковид-19/-ын тархалт, ӨЭМТ-ийн ачааллаас хамаарч ажиллах газрын хуваарийг Нийслэлийн Онцгой комиссоос 7 хоног бүр хийнэ.
• Долоо хоногт 6 өдөр ажиллана, ажлын цаг 09:00 цагаас эхэлж ӨЭМТ-ийн тухайн өдрийн ажил дуусах хүртэл ажиллана.
• Урамшууллыг 1 өдрийн 50,000 төгрөг байхаар тооцож, 14 хоног тутам олгоно /Хүн амын орлогын албан татвар болох 10 хувийг суутгана/.
• Шатахууны зардалд 1 өдрийн 20,000 төгрөг олгоно.
• Нэмэлт шатахуун, хоол, хамгаалах хувцас хэрэгслийг тухайн ӨЭМТ хариуцна.

Сонирхсон иргэд доорх холбоосоор бүртгүүлэх боломжтой юм байна.

Ажилд бүртгүүлэх линк https://forms.gle/4rqrmh4dWKDuuv7G8