Шилэн банкны барилгыг өнөөдөр дуудлагаар худалдана

Нийслэлийн Засаг захиргааны дөрөвдүгээр байрыг хувьчлах нээлттэй дуудлага худалдаа өнөөдөр болно. Тус барилга нь Чингэлтэй дүүргийн 4-р хорооны нутаг дэвсгэрт, “Зоос гоёл” ХХК-ийн урд байрладаг. Барилгыг Улаанбаатар хотын банк, Шилэн банк нэрээр иргэд мэддэг.

1997 онд ашиглалтад орсон, төмөр бетон суурьтай, цутгамал бетон каркас, блокон дүүргэлттэй, гадна талаараа өнгөлгөөний шилэн фасадтай, төмөр бетон хучилттай, хавтгаалжин дээвэртэй, 14 давхар, барилга нь тэнхлэгээрээ 10461,5 м2, ашигтай талбай нь 5808,1 м2, зоорийн давхартаа 17 машины гаражтай барилга юм.

Нийслэлийн Засаг даргын 2014 оны А/704 дүгээр захирамжаар Нийслэлийн Засаг даргын Тамгын газрын нэр дээр конторын зориулалтаар 1496 м2 талбайтай газар эзэмших эрх олгогдсон байна.

Барилгын анхны дуудах үнэ нь 24.100.000.000 төгрөг, дэнчингийн хэмжээ 2.410.000.000 төгрөг юм байна. Дуудлага худалдаа Нийслэлийн Засаг захиргааны 5 дугаар байр буюу Иргэний танхимд болох юм.

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Иргэн

4 жилийн өмнө

103.26.194.46

1996 онд татан буугдсан Ардын банкны хөрөнгөөр баригдсан. М.Энхсайханы ЗГ-ын хүчээр далайлган тухайн үёд хэвийн ажиллаж байсан банкийг татан буулгаж,хадгаламж банк+ сэргээн босголтын банк байгуулсан .СБ банкийг удаагүй татан буулгаж Голомт банкийг бий болгосон.Энэ үёд Сангий сайд П.Цагаан,Монгол банкны ёрөнхийлөгч Ж.Үнэнбат...ланжгарууд жиргэж байлаа.Ардын банк төлбөрийн чадвартай байсан талаар Чингэлтэй дүүргийн шүүхээс 5-6 удаа тогтоосон байдаг.Томчуул энэ үёэс л банкаар оролдох гь "унац"-тайг мэдэрсэн. Өнгөрсөн жил татан буугдсан Капитал банк 21 дэхь банк нь юм.

Төстэй мэдээ