Засгийн газрын хуралдаанаас гаргасан шийдвэрийн талаар мэдээлэл хийсэн билээ.

УОК-ын Нарийн бичгийн дарга Т.Баярхүү "Улсын онцгой комисс, Засгийн газраас ойрын хугацаанд барьж ажиллах төлөвлөгөөг танилцуулсан. Нэмэлт тунд хамрагдах иргэдийн идэвхийг нэмэгдүүлэх, зарим үйл ажиллагааг хэвийн явуулах зэрэг асуудлыг хэлэлцсэн. Коронавирусийн халдвар мутацилагдаж байгаа учир дасан зохицож ажиллаж амьдарна. Хамгийн чухал нь иргэд нэмэлт тунгаа хийлгэх шаардлагатай байна. Хариуцлагын гэрээний хүрээнд арваннэгдүгээр сарын 1-нээс тодорхой хэмжээнд аж ахуй нэгжүүдийн үйл ажиллагааг дэмжинэ. Журамд заасан шаардлагын дагуу үйл ажиллагаагаа эхлүүлж байгаа нь гэрээний хүрээнд явагдаж байгаа" гэв.