Дэлхийн хүн амын 99 хувийн орлого буурчээ

COVID-19 ар тахал баячуудыг улам баяжуулж, ядуусыг улам туйлдуулж ядуурууллаа. Манай гарагийн хамгийн баян 10 хүний хөрөнгө 2 дахин нэмэгдэж 700 тэрбум доллараас 1,5 триллион доллар болсон. Харин дэлхий нийтээрээ 99 хувийн орлого буурсан тухай “Oxfam International” төрийн бус байгууллага мэдээлжээ. “Тэгш бус байдал хөнөөдөг” илтгэлд 2020 оны 3 дугаар сараас 2021 оны 11 дүгээр сар хүртэлх нөхцөл байдлыг хамруулсан гэж эрдэмтэн, судлаач шинжээчид мэдэгдэв.

Харьцуулан судлахад энэ хугацаанд дэлхийн хүмүүсийн 99 хувийн орлого багасаж, 160 сая гаруй хүн ядуурлын туйлд хүрээд байна. “Oxfam International” байгууллагын гүйцэтгэх захирал Габриэла Бухер “Манай гарагийн хамгийн баян 10 хүний хөрөнгө нь дэлхийн хамгийн ядуу 3,1 тэрбум хүний өмч хөрөнгийг нийлүүлснээс ч 6 дахин их байна. Хэрэв баячууд өдөр бүр 1 сая долларыг зарцуулна гэж тооцоо хийх юм бол тэд өөрсдийн хөрөнгөө үрж дуусахад 414 жил шаардлагатай болно” гэж онцлов.

“Forbes” сэтгүүлийн жагсаалт. Дэлхийн тэргүүн баячууд:

АНУ-ын тэрбумтан Илон Маск 268,1 тэрбум доллар

АНУ-ын 188 тэрбум доллар

Францын Бернард Арно ба гэр бүл 187,5 тэрбум доллар

АНУ-ын Билл Гейтс 134,5 тэрбум доллар

АНУ-ын Ларри Эллисон 120,1 тэрбум доллар

АНУ-ын Ларри Пейдж 119,4 тэрбум доллар

АНУ-ын Марк Цукерберг 117,5 тэрбум доллар

АНУ-ын Уоррен Баффетт 116,9 тэрбум доллар

АНУ-ын Сергей Брин 115,1 тэрбум доллар

АНУ-ын Стив Балмер 98,5 тэрбум доллар

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.