Засгийн газрын ээлжит бус хуралдаанаах “Кью эс си” компанийн концессын гэрээг цуцаллаа. Концессын гэрээ байгуулах тухай Засгийн газрын 2015 оны хоёрдугаар сарын 28-ны өдрийн 69 дүгээр тогтоолыг хүчингүй болгов.
Эргэн сануулахад, "Эрдэнэт"-ийн 49 хувь буюу “сахал” Д.Эрдэнэбилэгийн талынхны нэг том амжилт нь Сэлэнгэ аймгийн Хүдэр суманд байрлах Төмөртэйн ордоос Ерөө суманд орших төмөр замын Хандгайт өртөө хүртэлх төмөр замыг, ачиж буулгах терминалын хамт барихад зарцуулсан төмөр замын 183 тэрбум 608 сая, авто замын 57 тэрбум 163 сая төгрөгийн өртөгтэй концессийг маш шуурхай авч чадсан явдал юм. Концесс ёсоор Хүдэр суманд орших Төмөртэйн ордоос Ерөө суманд орших “Болд Төмөр Ерөө Гол” ХХК-ийн төмөр замын Хандгайт өртөө хүртэлх 33.4 км төмөр замыг ачиж, буулгах терминалын хамт “барих шилжүүлэх” нөхцлөөр тавиад төрийн өмчит “Монголын төмөр зам” ХХК-ийн өмчид шилжүүлэн өгчээ. Энэ нь “Уул уурхай, металлургийн цогцолбор байгуулах төсөл”-ийн нэг чухал хэсэг байжээ. Гэхдээ барьсан төмөр болон авто замаа ашиглах ёстой байсан ч өдгөө засагт хураалгасан. Концесс авсан түүхийг товч дурдахад Засгийн газрын 2014 оны 69-р тогтоолоор “Уул уурхай, металлургийн цогцолбор байгуулах төсөл”-ийн концессын гэрээг “"Кью Эс Си"”-тэй байгуулах эрхийг Эдийн засгийн хөгжлийн сайдад олгож, “Дарханы төмөрлөгийн үйлдвэр” ТӨХК-ийн удирдлагын эрх болон хөрөнгийг концессын гэрээний хугацаанд тус компанид шилжүүлэхээр шийдвэрлэсэн байна. Дээрхи тогтоолын дагуу ЭЗХЯ нь "Кью Эс Си" компанитай “Уул уурхай, металлургийн цогцолбор байгуулах төсөл”-ийн концессын гэрээ -г 30 жилийн хугацаатай байгуулсан. Гэрээны гол заалт нь өнөөх төмөр болон авто зам байсан. Яам компани хоёр гэрээлсэний дараа Ч.Сайханбилэгийн Засгийн газар 2015 оны 9-р сард 364-р тогтоолоороо тус ажлыг хийж гүйцэтгэхтэй холбогдуулан концесс эзэмшигчийн оруулсан бодит хөрөнгө оруулалтыг концессын гэрээний дагуу 2016-2020 оны улсын төсөвт тусган санхүүжүүлэх арга хэмжээ авахыг Сангийн сайд, Аж үйлдвэрийн сайд нарт даалгажээ. Уг нь концесс эзэмшигч төслийг өөрийн болон өөрийн боломжоор олсон хөрөнгөөр барьж ашиглалтад оруулах ёстой атал Засгийн газар удалгүй "Кью Эс Си”-д ашигтай нэмэлтийг гэрээнд оруулжээ. Гэрээ байгуулагдсны дараа Аж үйлдвэрийн сайд Д.Эрдэнэбат нь Сангийн сайд Б.Болорт концессын төлбөрийг мөнгөн эсхүл вексель хэлбэрээр хийж өгнө үү гэсэн хүсэлт хүргүүлсэн байна. Үүнээс хойш гурав хоногийн дараа "Кью Эс Си” нь төлбөрийг вексель хэлбэрээр авах хүсэлт гаргасныг хангажээ. Ингээд төмөр замын төсөлд 183 тэрбум 608 сая, авто замын төсөлд 57 тэрбум 163 сая төгрөгийг тус тус концесс эзэмшигчид олгосон аж.
