Товчхондоо Хөтөлийн "Цемент шохой" компанид Худалдаа хөгжлийн банк зээл олголоо гэх боловч тус компанийн өөр данс уруу тэр өдөртөө шилжиж, тэндээсээ Улаанбаатар хотын банкны зээлийг хаадаг, тэгснээ хэд хоногийн дараа мөн аргачлалаар Улаанбаатар хотын банкаас зээл олгож, мөн өдөртөө Худалдаа хөгжлийн банкны зээлийг хаадаг. Энэ мэтчилэн хуурамч зээл "Цемент шохой" компаний дансаар "гүйнэ". Компани зээл авсан мэт харагдаж олон тэрбум төгрөгийн хүү төлнө. Баттай баримтаар Монгол банкинд энэ зээлийн гэрээнүүд бүртгэлгүй, хууль зөрчдөг гэжээ. Иймээс энэ бол мөнгө угаалт, залилан гэж үзээд энэ хэргийг шалгуулахаар АТГ-т баримтууд гаргаж өгсөн байна.

Хуурамч зээлийн хүүгээс болж цементийн өртөг их нэмэгдсэн нь эдийн засгийн тайлан, мөнгөн гүйлгээний тайлангаас харагдаж байгаа гэнэ.

2015 оноос хойш (хувьчлагдсанаас хойш) нийт 115 тэрбум төгрөгийн санхүүжилтын зардал төлсөн байдаг. Тиймээс шинэхэн захирал Л.Наранбаатар "Алдагдсан мөнгөө олж авна аа" гэжээ.