Space X, Tesla компаниудын үүсгэн байгуулагч, дэлхийн хамгийн баян хүн Илон Маскийн нэр дээр "Старлинк Сервисес Монголиа" нэртэй компани Монголд бүртгэлтэй байна.
Space X, Tesla компаниудын үүсгэн байгуулагч, дэлхийн хамгийн баян хүн Илон Маск "Старлинк Сервисес Монголиа" нэртэй компанийг Монголд байгуулжээ.
Уг компани нь Улсын бүртгэлийн ерөнхий газрын сайтад "Улаанбаатар, Сүхбаатар, 6-р хороо, Метро бизнес центр, 10 давхар, 1001 тоот" хаяг дээр бүртгэлтэй байгаа бөгөөд гуравдугаар сарын 21-д байгуулсан байна.
Компанийн хувьцаа эзэмшигчээр "Starlink Holdings Netherlands B.V." байгаа бол гүйцэтгэх захирлаар нь Лорен Эшли хэмээх нэр бүртгэлтэй байна.
Нидерландад бүртгэлтэй "Starlink Holdings Netherlands B.V." компанийн эцэг компани нь "Starlink Satellite Services Corp." бөгөөд түүний эцэг компани нь "Space Exploration Technologies Corp." буюу "Space X" юм.
