Монголчуудын мөрөөдөл урагшаа хил даван Эрээн хот явах болчихоод байгаа. Цаашлаад АНУ, Канад явах бол бүр диваажинд очихоос ялгаагүй болов. Гэтэл ийм үед төсвийн мөнгөөр ойр ойрхон гадагшаа явсан Сангийн сайддаа иргэд их атаархаж байна. Бээжинд болсон өвлийн олимпийн нээлтэд Сангийн сайд Б.Жавхлан нарын албан тушаалтнууд очсон. Сангийн сайд өнгөрсөн хоёрдугаар сард болсон өвлийн олимпын нээлт үзэхдээ улсын төсвөөс 20.4 сая төгрөг зарцуулан явсан байна. Бээжингээс ирээд удалгүй Сангийн сайд АНУ руу томилолтоор явжээ.
Олон улсын валютын сангийн хурал, Дэлхийн банкны удирдлагуудтай уулзах ёстой уг томилолтод төсвөөс 26788780 зарцуулсан байна. Үүнийг иргэд шүүмжилж байгаа ч Сангийн сайдаа үүргэвч үүрээд, углааш өмсөөд хямд буудалд буу гэлтэй биш. Төр төсбөгөр ёс ёмбогор хойно, ийм зардал гарна биз ээ.
