Монгол Улсын 2021 оны ТОП-100 аж ахуйн нэгжийг тодруулах ёслол Төрийн ордны Баганат танхимд болж байна.  

Өнгөрсөн оны ТОП 100 аж ахуйн нэгжийг шалгаруулах ёслол цар тахлын улмаас цахимаар болсон юм. Ёслолыг нээн МҮХАҮТ-ын ерөнхийлөгч О.Амартүвшин үг хэлэв. Тэрээр “2021 оны ТОП 100 ААН-ийн борлуулалтын орлого өмнөх оноос 2.8 их наядаар өсөж, 35.4 их наяд хүрсэн нь ДНБ-ний 82 хувьтай дүйцсэн. Ажиллагсдын тоо нь 8.3 мянгаар нэмэгдэж, 99 мянгад хүрсэн нь нийт ажлын байрны 8.8 хувьтай тэнцэж байна. Эдийн засаг, бизнесээ сэргээхэд амаргүй жил байсан хэдий ч ТОП 100 ААН-ийн нийт төлсөн татварын хэмжээ өмнөх жилээс 26 хувиар өсч, 5.3 их наяд төгрөгт хүрсэн” гэдгийг онцлов.

Мөн Санхүүгийн зохицуулах хороо ТОП 100 ААН-д бонд гаргахад нь дэмжлэг үзүүлэхээ илэрхийлэв.  Шагнал гардуулах ёслолд ХНХ-ын сайд А.Ариунзаяа, Монголбанкны Ерөнхийлгөгч Б.Лхагвасүрэн, МҮХАҮТ-ын Ерөнхий нарийн бичгийн  дарга С.Баясгалан, Санхүүгийн зохицуулах хорооны дэд дарга Т.Цэрэнбадрал нар оролцов.        

Хил гаалийн улмаас цом саатсан тул өнөөдөр ТОП 100 ААН-ийн удирдлагуудад өргөмжлөл гардуулав.