"Нутгийн буян" компанийн захирал Бат-Орших нутаг болох Өвөрхангай аймгийн Уянга сумын алтаар хөлжсөн. Тиймээс компаниа "Нутгийн буян" гэж нэрлэхээс яах вэ. Харин одоо барилгын салбарт хөл тавьж, Монголын чинээлэг эрчүүдийн нэг болжээ. Авааль гэргий, хоёр охинтой. Анх төрж өссөн нутаг Өвөрхангайд 4 ханатай гэрт амьдралаа эхэлсэн  хоёр. Давс талх зэрэг ойр зуурын юм түрж зарсан хүмүүс байсан гэх. Харин 2000 оны эхээр Уянга суманд алтны "нинжа" байгаад хөлжиж, улмаар машин техниктэй болж алтаар хөл "боссон" нэгэн. Тэгээс эхэлсэн амьдрал нь ид тэгширч цэцэглэж явтал 50 шүүрсэн насанд нь гэнэт Б.Цэцэг хэмээх бүсгүй гарч ирснээр тэдний амьдралд нь ан цав гарчээ. 

  Хоёр охинтой ахимаг эрд хэнз хүүгийн зулай үнэрлүүлсэн Б.Цэцэг даам гарч, одоо хувийн компанид нь санаархаж эхэлсэн сурагтай. Хааяа оффис дээгүүр нь ирдэг гэх цуу яриа явж байна.

Тиймээс компаниа хамгаалах үүднээс гадаадад сурч буй том охиноо авчирч, компани нэр дээр нь шилжүүлж, өв залшамжлуулжээ.  

Б.Цэцэг Хотын даргаас төсөл авсан биш, нэр төрийг нь хөөдөж, эгээтэй л албан тушаалаас нь унагачихсангүй. Б.Цэцэг Хотын даргатай ойр биш, харин хүүгийнх нь эцэг нөлөөлсөн байж магадгүй гэлцэнэ. Учир нь "Нутгийн буян"-гийн Бат-Орших Өвөрхангайнх, Хотын дарга мөн Өвөрхангайнх. Тиймээс нийслэл хотын холбоо хамааралтай төслийн удирдагчаар томилогдсон байж магадгүй нь.  Бат-Орших, Б.Цэцэг хоёр хамт амьдарч, буянтай эр зохих хангамжид гар татдаггүй гэх.

 Нутгийнхан нь боловсрол байхгүй эрс баяжаад улам хачин авир гаргах юм даа, хар багаасаа ханилсан эхнэр Отгонсүрэн, хоёр охин нь байсаар байтал өөр эмэгтэйн атганд орж, дөрлүүлэх гэж хэмээн гол усаараа нэг шуугиж байна.