Баян-Өлгий аймгийн Баделханы вант улс гэвэл зохилтой. Өлгийгөөс удаа араа УИХ-д сонгогдож буй Х.Баделханы хүрээлэлд ороогүй бол нар өөд хардаггүй гэдэг. Баян-Өлгий аймгийн Засаг дарга ажлаа өгч,оронд нь бас л Бадeлханы хүн томилогдох нь. Х.Бадeлханы арга нь төвөөс ирсэн, төвд байгаа Халх дарга нарын тархийг угааж баахан хүнээр гарын үсэг зуруулж намын дарга нарт явуулдаг гэх.

Баян-Өлгий аймгийн Нэгдсэн эмнэлгийн дарга нь УИХ-ын гишүүн Х.Баделханы эхнэрийн төрсөн дүү Маншүк ажээ. Маншүкийн нөхөр Х.Заменбек нь Засаг даргаар томилогдох гэж буй Хуанганы Арманы төрсөн нагац ах. Төрсөн ах нь Хуанганы Телеган Баян-Өлгий аймгийн Стандарт хэмжил зүйн газрын даргаар ажиллаж байна. Мөн Цагдаагийн газрын дарга дэд хурандаа Танат нь Засаг даргад горилогч Х.Арманы нагац ах. Өөрөөр хэлбэл Х.Арманы ээж нь дэд хурандаа Танат нар эгч дүүсийн хүүхдүүд. Хуанган Баделхан хоёр 10 жилийн нэг ангийн андууд. Хуанганы эхнэрийн хамгийн бага дүүтэй нь Баделханы эхнэрийн отгон дүү гэрлэсэн. Өнөөдөр ийнхүү Баян-Өлгийд Х.Баделханы ургийн мод цэцэглэж,  төрийн өндөр албыг түүний хамаатан садан, худ ургууд зайдагнаж суудаг. Мөн 2022 онд Зам тээврийн хөгжлийн яамнаас эрх нь шилжиж ирсэн 7 тендерийн 4-ийг нь Х.Баделханы "Жол" компани, 3-ыг нь Засаг дарга асан Гылымханы "Грандрод" компани авчээ. 2018 оноос хойш "Жол" компани 40 гаруй тэрбум төгрөгийн тендер авсан байдаг. Баделхан, Гылымхан хоёр мөн л хамаатнууд юм.