Нүүрс тээвэрлэлтийн Гашуунсухайтын чиглэлийн замын там болсон байдлыг засаж чадахаас нэгэнт өнгөрчээ. Ганц хийж чаддаг зүйл нь хоёр жил тутам судалгаа хийж гарсан үрд дүнг хараад шогширч суухаас өөр аргагүй болсон. Энэ чиглэлд замын хөдөлгөөний болон хөдөлмөрийн аюулгүй байдал бүрмөсөн алдагдаад байна. ХЭҮК-ийн захиалгаар Бодлогийн инновацийн хүрээлэнгээс хийсэн судлгаагаар зам нь эврэл гэмтэл ихтэй, тэмдэг тэмдэглэгээ байхгүйн дээр жолооч нар нь ажил амралтын горим баримталдаггүйгээс сард дунджаар 125 орчим зам тээврийн осол гарч багаар тооцоход нэг хүний амь эрсэддэг байна. Мөн зам дагууд хогийн цэг болон нийтийн бие засах газар байхгүййгээс орчны бохирдол дээд цэгтээ тулжээ. Хогийн цэг ч байхгүй юм чинь мэдээж эмнэлгийн болон онцгой байдлын салбар нэгж ажилладаггүй. Түүнээс гадна Цагаан хадны нүүрс дамжуулан тээвэрлэх газруудад байгаль орчин, нийгэм, хүний эрүүл мэндэд нөлөөлөх нөлөөллийн үнэлгээ огт хийгдээгүй явж ирсэн. Нүүрсний тээвэрлэлтэнд явдаг жолооч нарын 90 хувь нь эрүүл мэндийн оношилгоонд хамрагдаагүй, гэмтсэн бэрсэн тохиолдолд анхан шатны эмнэлгийн тусламж авч чаддаггүй байна. Тээвэрлэлтэнд ашиглаж байгаа хүнд даацын машины 60 хувь нь стандартын шаардлага хангаагүй гэсэн судалгаа гарчээ.
