Өнгөрсөн 10 дугаар сарын 12-нд МАК-ийн Цэлмүүн, нөхөр болох Сү.Батболдын хүү Баттүшигтэй явж байгаад Парист халдлагад өртсөн. Тэднийг онгоцны буудлаас таксинд суух үед нь дээрэмчид дайрч 600 мянган еврогийн үнэ бүхий эдлэл дээрэмдсэн тухай Европа 1 мэдээлсэн. Хамгийн гол нь Монгол Улсын Ерөнхий сайд асны хүү Олон улсын олимпийн хорооны хуралд оролцох гэж ирэхдээ эхнэрийн хамт дэээрэмдүүлсэн тухай мэдээлсэн билээ. Энэ тухай ОХУ-ны мэдээллийн сайтад ч гарсан. Баттүшиг, Цэлмүүн хоёрыг онцолж дээрэмдсэн этгээд нь араб гаралтай залуус гэнэ. Онгоцны буудал дээр үнэт эдлэл, брэндээр чимсэн хос Азийг хараад “галзуу баян азиуд” байна гэж мэдэж дагасан сурагтай. Тэгээд замын түгжрэл дунд сууж явсан машины цонхыг хагалж үнэт эдлэл бүхий цүнхийг нь дээрэмджээ. Энэ цүнхэнд нь байсан эд эдэлэл 600 мянган еврогийн үнэ хүрсэн тухай европын хэвлэлд барин тавин мэдээлсэн. Сүүлд мэдээлснээр 10 гаруй хоногийн дараа дээрэмдсэн этгээдийг олсон ч үнэт эдлэлийг олоогүй тухай мэдээлэл гарч байсан билээ.