Уг дуганыг МАК-ийн үйлдвэрлэдэг цемент, блок, хаалга, цонх, шилэн хийцийг ашигласан бөгөөд соёлын өв болсон хуучин ханыг нь нураалгүйгээр бэхжүүлэн, барилгын дотор талд ил харагдах шийдэлтэйгээр бүтээн байгуулжээ. Ингэснээр зах хязгаар нутгийн ард иргэд уламжлалт шашнаа эрхэмлэн шүтэх, хурал номын үйл ажиллагаагаа өргөжүүлэн хөгжүүлэх, мөн дэг жаяг, зан үйлийнхээ залгамж чанарыг хадгалахад үнэтэй хувь нэмрийг оруулна гэж үзжээ.

Харин нутгийнхан дунд нэг сонины яриа бий. Одоогоос 10 жилийн өмнө Баянхонгор аймгийн Баян-Өндөр суманд ажлаар явж байгаад ор сураггүй алга болсон АМГ-ын геологичийн цогцсыг 7 хоногийг дараа эрлийн багийнхан олсон билээ. Тэрээр  хяналт, шалгах хийх зорилготойгоор хамт явсан хоёр хүнээсээ төөрч, долоо хоногийн турш сураггүй болсон. Түүнтэй хамт явж байсан  АМГ-ын Эрдэс баялгийн судалгааны тасгийн дарга А.Дэлгэрсайхан, жолооч Ч.Түмэнбаяр нар нутгийн иргэдтэй таарснаар амь аврагдсан юм. Талийгаач МАК-ийн Нямтайширийн тун ойрын хамаатан, тэгээд нисдэг тэрэг гаргаж хайсан тухай яриа тэр үед гарч байсан билээ. Тиймээс сүм дугана сэргээнгээ хойд насны буян үйлдэв үү гэх шивэр авир яриа гарч байна.