Aalsmeer Flower Дуудлага худалдаа нь Нидерландын Алсмейер хотод зохиогддог цэцгийн дуудлага худалдаа юм. Энэ бол дэлхийн хамгийн том цэцгийн дуудлага худалдаа. Aalsmeer Flower Дуудлага худалдаа нь 518,000 хавтгай дөрвөлжин метр талбай бүхий дэлхийн дөрөвт орох том барилга байгууламжтай. Дэлхийн өнцөг булан бүрээс буюу Европ, Эквадор, Колумби, Этиоп, Кени болон бусад орны цэцэгс өдөр бүр энэхүү аварга том барилгад худалдаалагддаг. Өдөрт 20 орчим сая цэцэг зарагддаг. Энэ нь Гэгээн Валентины өдөр, Эхийн өдөр гэх мэт онцгой өдрүүдэд ойролцоогоор 15 хувиар нэмэгддэг аж. Гэтэл дэлхий даяар тархсан коронавирусын аюулаас шалтгаалж Aalsmeer flover хүнд байдалд оржээ. Ургамал цаг хугацааг хүлээхгүй, ургахаа зогсохгүй. Вирусын хүндрэлтэй үед ХАА-н үйлдвэрлэлээс хамгийн том цохилт авч байгаа нь салбар нь цэцгийн бизнес болж байна. Хэдэн зуун мянган га цэцгийн тариалан байгаа. Өдөр өдрөөс өдөрт урган төлжих цэцэгнүүдээ яахаа мэдэхгүй байна. Өнөөдөр борлуулалт бараг байхгүй бүтээгдэхүүнээ устгалд оруулах болжээ. Улс орнуудад ихэнх худалдаа цахим захиалга аван хүргэлтээ нэмэгдүүлэх маягаар энэ түвэгтэй үеийг даван туулахаар оролдож байна. Хөл хорио тогтоосон, хүргэх боломжгүй болохоор байдал сайнгүй байна. Цэцгийн хүргэлт зогсож, хүмүүс нэгэндээ цэцэг бэлэглэх нь багасжээ.
