Балетчны сургалтын төвтэй Сүндэръяа гэх бүсгүй Сүнээ нэрээрээ твитерт алдартай. Балетчин мэргэжил эзэмшсэн ч тайзан дээр бүжиглэж үзээгүй Сүнээ алдарт Алаг морьт Дандар баатрын зээ охин гэдэг. Тиймээс Ардын намын ах нарт таалагддаг бололтой. Нэр холбогдон хардагдсан хүн нэг бус. Засгийн газрыг шийдвэрийг урьдчилж мэдээлдгээс болоод томчуудтай холбоотой гэх болсон. Тэгвэл сонгууль шувтарч байхад Булган аймгаас нэр дэвшиж байгаа, УИХ-ын гишүүн Ж.Бат-Эрдэнэтэй холбоотой зураг гарч, ахынхаа нэр хүндэд сэв суулгалаа. Мөн инстаграммд алдартай, Сүнээ байнга зургаа оруулдаг хар машиныг УИХ-ын гишүүн Ж.Бат-Эрдэнэ авч өгсөн гэж шуугилаа. Харин гандан буурдаггүй Сүнээ "Машиндаа их хайртай. Их бэлэгшээж хүсэж авч билээ... Учир нь Талийгаач Г.Батхүү агсны охин Цэлмэгээс энэ машинаа ямар ч урьдчилгаагүй бүтэн мөнгөө төлөөд шууд авч байлаа. Ганхөлөг бид сайхан найзууд, надад яриад хямдхан ч өгсөн..." гэж бичлээ. Ингэж бичсэнээр Өвөрхангай аймагт нэр дэвшиж байгаа Г.Батхүү агсны хүү Б.Ганхөлөгийг хөлдөө чирлээ. Ганхөлөг Сүнээд дүүгийнхээ машиныг өгсөн гэж мушгиж байна.
