"Black Stallion" продакшн "Зэрлэгүүдийг Хүлээхүй" киног албан ёсны эрхтэйгээр хүргэх гэж байна. Нобелийн шагналт зохиолч J.M. Coetzee энэ киноны зохиолыг бичсэн, Каннын кино наадмын шагналт найруулагч Ciro Cuerra уг киног найруулж, гол дүрд нэрт жүжигчин Оскарын шагналт Mark Relanc, Jonny Depp, Robert Patinson зэрэг олон алдартнууд тоглосон. Монголчуудын анхаарлыг татах нэг шалтгаан бол эмэгтэй гол дүрийг Монгол жүжигчин Б. Ганчимэг бүтээснээрээ онцлогтой. "Black Stallion" продакшн продюсер Б.Гантулга тус киноны уугуул иргэдийн хэл ярианд Монгол хэлийг санал болгон батлуулж, туслах дүрийн сонголтод Монгол уран бүтээлчдээ урин оролцуулах боломжийг нээсэн. Ингэснээрээ 50 гаруй фото үзэгчдийн шалгаруулалтаас Ардын жүжигчин П.Цэрэндагва, МУГЖ Д.Гүрсэд, сурагч Г.Дөлгөөн-Эрдэнэ болон олны хэсгийн нийт 14 уран бүтээлчдийг кино группийн зүгээс сонгон урьж ажиллуулжээ.
