ХЭҮК-ын гишүүний таван орон тоо, тус комиссын эрүү шүүлтийн асуудал хариуцсан нэг орон тоонд өрсөлдөгч нарыг сонгон шалгаруулах ажлын хэсэг өнөөдөр хуралдаж дараах шийдвэрийг гаргажээ. Үүнд:

Нэгдүгээрт, ХЭҮК-ын гишүүнд нэрээ дэвшүүлсэн хүмүүсээс дөрвөн хүний нэрийг ХЭҮК-ын гишүүнд дэвшүүлэх боломжтой хэмээн үзэж, томилуулах саналтайгаар УИХ-ын Хууль зүйн байнгын хороо руу хүргүүлэхээр болсон.

Хоёрдугаарт, ХЭҮК-ын Эрүү шүүлтийн асуудал хариуцсан нэг гишүүнд нэрээ дэвшүүлсэн П.Оюунчимэгийг тухайн шалгуур шаардлагыг хангахгүй хэмээн ажлын хэсэг үзэж буцаасан бөгөөд тухайн орон тоонд дахин сонгон шалгаруулалт зарлах саналыг УИХ-ын дарга болон холбогдох Байнгын хороонд хүргүүлэхээр болжээ.