2020 оны 1-р сард Дорноговь аймгийн ЗДТГ нь тэр чигээрээ урлаг уран сайхнаар амьсгалжээ. Төсвийн 5,4 сая төгрөгөөр иргэн А.Байгальмаагаас яруу найргийн цомог худалдаж авчээ. Мөн нутгийнхаа алдарт “Дорноговь Симба” хамтлагийг таван сая төгрөгөөр дэмжсэн байна. Засаг даргын тамгын газар гэнэт яруу найрагт шимтэн дурлах болсон нь тойргоос нь ахин сонгогдсон УИХ-ын гишүүн яруу найрагч Г.Мөнхцэцэгийн нөлөө байж болох юм. Найрагч хатагтай Дорноговийн дарга нартай тансаг сайхан яруу найргийн хэлээр шүлэглэн ярьдаг биз. Дарга нар ч сонссоор яруу найрагт дуртай болсон нь гарцаагүй. Алтны дэргэдэх гууль шарладаг гэдэг. Удахгүй Дорноговийн дарга нар шүлэг бичиж эхэлбэл гайхах зүйл алга.