“Херо”-гийн Баатарыг “бусдаар ажил гүйцэтгүүлэхдээ” сайн гэдэг. Хоёр жилийн өмнө БОАЖЯ-ны урьж ирүүлсэн Германы алдарт “Чингис хаан” хамтлагийн ахлагч Вольфганг Хейхэлийг “өөрийн” болгоод авсан. Герман дуучныг урих нь цэвэр яамны ажил байсан агаад бүх зардлыг мөн гаргасан нь шилэн дансны мэдээллээс нь харагдаж байна. Байр хоол, шатахууны зардлыг нь хүртэл гаргасан. Аялалын хөтөлбөрөөс харахад герман дуучин ирсэн өдрийнхаа өглөөний 05-11 цагийн хооронд л яамны зочин байжээ. 11 цаг 40 минутаас хойш “Херо” Баатар ахынхаа хамт “булаагаад” авчээ. Хөтөлбөрд зааснаар оройн хоолыг зөвхөн ах дүү хоёртой идсэн аж. Маргаашнаас нь “Херо” Баатар бүрэн өөрийн хүн болгоод төрөөр шатахуунаас эхлээд бүх зардлыг нь гаргуулан клип хийх газар луугаа авч явжээ.