“Явдаг царай таних төхөөрөмж” гэгддэг англи цагдаа жилд 2000 гэмт хэрэгтэнг олж танин баривчилжээ

Английн Бирмингэм хотын цагдаа Энди Поуп хүний царай тогтоох ер бусын ой чадвартай гэнэ. Бусад цагдаа нар урьд нь гэмт хэрэг хийсэн болон эрэн сурвалжлагдаж байгаа гэмт этгээд, сэжигтэний царай зүс , гадаад төрхийн талаар тусгай архив лавлагаанаас байнга мэдээлэл авах шаардлагатай бол Эндид энэ нь огт хэрэггүй аж. Тэрээр нэг харсан хүнийхээ, тэр бүү хэл зургийг нь харсан ч царай зүсийг нь шууд тогтоон авч чаддаг. Мөн цаг хугацаа өнгөрсөн ч огт мартдаггүй гэнэ. Энэхүү ер бусын чадварынхаа ачаар тэрээр 2018 онд л гэхэд эрэн сурвалжлагдаж байсан мянга гаруй этгээдийг олж танин баривчилжээ. Өнгөрсөн онд бүр хоёр мянгыг илрүүлж чаджээ. Хүн болгон амны хаалт зүүж байгаа энэ онд ч гэсэн Энди мөрдөн байцаалтаас оргон зайлсан этгээдүүдийг олны дундаас таньж баривчилсаар байна. Тэрээр энэхүү чадвараа тун энгийн зүйл мэтээр тайлбарлажээ

Би хүмүүсийн дундаас нөгөө хүнийг шууд л ялган таньдаг. Дараа нь баривчилан саатуулахад эрэн сурвалжлагдаж байгаа этгээд мөн болох нь батлагддаг. Би эрэн хайж байгаа этгээдүүдийн зургийг цаг тухайд үзэж хардаг. Нэг хараад л царай зүс нь тархинд хадгалагдаж үлддэг

Эддигийн дээд амжилт нь нэг удаагийн ээлжинд 17 этгээдийг олны дундаас таньж олжээ. Гарцаар зам хөндлөн гарч байхдаа замын нөгөө талын зоогийн газарт сууж байсан сэжигтэнг нь шууд хараад таньж бусаддаа мэдээлэл өгөн баривчлуулж байсан гэнэ. Английн цагдаад Энди шиг тусгай чадвартай 20 гаруй ажилтан байдаг агаад тэд клуб байгуулжээ.

Эх сурвалж : https://www.bbc.com/news/uk-england-birmingham-44926492

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.