Сүүлийн үеийн монгол “заншлаар” арга хэмжээний өмнө уг арга хэмжээг зохион байгуулагчид алдаршдаг болсон. Алдарт ”Чингис хаан” музей ч үүнээс тойрч чадсангүй. Уг музейг нээгдэх нь бүү хэл баригдаж дуусаагүй байхад ерөнхий хариуцагч гэж болохоор “Чингис хааны өв соёлын хүрээлэн” өөрсдийгөө “мөнхлөөд” эхэлжээ. Өнгөрсөн оны сүүлээр тэд “Чингис хааны өв соёлын хүрээлэн-365 хоног” баримтат кино хажуугаар нь ном хийлгэхээр 8,7 сая зарлагаджээ. “Тэнүүн хөгжил” гэдэг компани тэднийг алдаршуулах юм байна. 2019 онд энэ хүрээлэн Засгийн газрын тогтоол, БСШУС-ын сайдын тушаалаараар “Чингис хаан” хаадын музейн ашиглалтын өмнөх захиргааны чиг үүргийг хариуцахаар байгуулагдсан. Байгуулагдах үед нь М.Батбаяр удирдаж байсан бол өдгөө Н.Саруул орлон гүйцэтгэгчээр ажиллаж байна. Хэрвээ хүрээлэн энэ эрчээрээ “ажиллабал” музейгээсээ илүү алдарших хандлагатай байна.
