Манай яамд тамгын газруудаас хамгийн тансаг нь ХЗДХЯ гэдэг. Жилийн өмнө энэ яамны  тансаг тавилга, сайдых нь шинэ унаа, ТНБД-ын хааны ордон шиг албан өрөө зэрэг нь олныг шуугиулж байсан. Тэгвэл шинээр байгуулагдсан Соёлын яам хүчтэй “өрсөлдөгч” болон гарч иржээ. Яамны ТНБД Г.Эрдэнэбатын тушаалаар угтах ширээ, хувцасны өлгүүр хийлгэхэд бараг таван сая төгрөг зарцуулжээ. Үүнээс 2,6 сая төгрөгөөр угтах ширээ хийлгэсэн байна. Яамны угтах ширээ гэдэг нь аймгуудын угтах хаалгатай л адилхан гэсэн үг. Аймгууд хаалгандаа 500-700 сая төгрөг төсөвлөдөг болсон. Тэгвэл яамд ч сая саяар зарцуулж байна. 2,6 саяын үнэтэй гэхээр шил толь болсон, нүд гялбам ширээ биз ...