МУСТА Энхболдын Чулуунчимэг, Баярын Болдтой амьдарч охин Б.Аялгуугаа төрүүлсэн. Үе үе тачигнатал муудалцаж, түр зуур тусдаа амьдардаг хосууд таван жил хэрэлдэж, хэлцэж амьдарсны эцэст бүрмөсөн салсан. Дуучин Б.Болд Х.Мөнгөнцэцэгтэй хамт амьдарч, дурлалын гурвалжин нь “Учиртай гурван толгой” шиг үргэлжилсээр байгаа. Өнгөрсөн 2020 оны наадмаар МУСТА Э.Чулуунчимэг ханьтай болсноо телевизээр анх зарласан. Э.Чулуунчимэг Баянхонгор аймгийн харъяат Улсын начин Дашдоржийн Цэрэнтогтохтой хамт амьдарч, албан ёсоор гэрлэлтээ батлуулсан тухайгаа ярьсан билээ. Юутай ч хамтдаа “Эхнэрийн заавраар” нэвтрүүлэгт оролцсон нь тэр нэвтрүүлэгт оролцсон гэр бүлийн хосуудаас бие биедээ хамгийн хүлээцтэй, хүндлэлтэй ханддаг оролцогч хос гэсэн үнэлгээ авсан. Өнгөрсөн 2020 оны 12 дугаар сарын 8-нд Аялгуу охины төрсөн өдрийг Улсын начин Д.Цэрэнтогтох ааваас нь дутуугүй үүрэг гүйцэтгэж явсан гэх. Харин сүүлийн үед урлаг, спорт тэр тусмаа үндэсний бөхийг холбосон залуу, олны танил хос салсан гэж бичигдэж байгаа. Энэ нь үнэн байж, түр зуур тусдаа амьдарч байгаа бололтой. Нэгэнт албан ёсоор гэрлэлтийн баталгаатай хосууд бүр салахдаа тулбал бичиг баримтаа салгахаас эхлээд нэлээн ажиллагаа орох нь тодорхой. Залуу хосын дэмжигчид нь түр зуурын үл ойлголцол байгаасай, эргээд эвлэрээсэй гэдгээ илэрхийлж байна.
