ОХУ-ын Ерөнхийлөгч Владимир Путины зарлигаар Монгол улсын иргэн, сансрын нисгэгч Ж.Гүррагчааг ОХУ-ын төрийн дээд шагнал Александр Невскийн одонгоор шагнахаар болжээ.

ОХУ-ын Ерөнхийлөгч Владимир Путиний зарлигт “ОХУ болон Монгол Улсын хоорондын иж бүрэн түншлэлийг хөгжүүлэхэд гавьяа байгуулсных нь төлөө Монгол Улсын иргэн, “Монгол-Оросын найрамдлын нийгэмлэгийн Ерөнхийлөгч Жүгдэрдэмидийн Гүррагчааг Александр Невскийн одонгоор шагнасугай” гэсэн байна.

Гэгээн Александр Невскийн одонг анх 1725  онд I Екатерина Хатан хаан зарлигаар гаргаж цэргийн албан хаагчид болон энгийн иргэдийг шагнадаг байсан.

Сансарт ниссэн Ази тивийн 2 дахь, дэлхийн 101 дэх хүн болсон сансрын нисэгч Жүгдэрдэмидийн Гүррагчаа нь ОХУ-ын төрийн дээд шагнал Александр Невскийн одонгоор шагнагдсан анхны монгол иргэн боллоо.

Эх сурвалж: Россотрудничество агентлагийн Монгол улс дахь төлөөлөгчийн газар