Анх ҮАБЗ-ийн ажилтан Б.Баасанцогтыг хэдэн шүүгч, прокурортой архидлаа, бүсгүйчүүдтэй зугаацлаа гэхэд "За яах вэ,чөлөөт цагаараа эр хүний хийдгийг хийж, найзууд уулзалдсан биз" гэж бодож байлаа. Замын цагдаагийн энгэрийн камерт өртөж, ажил албаа хэлэн бүлтэлзэж байхад өмөөрч суулаа.
2012 онд анх төрийн албанд хөл тавьж, нэг сэтгүүлчид 40 сая төгрөг өгсөн баримт ил болоход чимээгүй байлаа. Харамсалтай нь шүүх, прокурор, Үндсэн хуулийн цэцийн гишүүдэд 65.1 тэрбум төгрөг тараасан гэлээ. Тэр тусмаа шүүгч нарт 60 мянгаас 30 сая төгрөг шилжүүлж, цагдаагийн алба хаагч, хуулийнханд Богд хаан боорцог тарааж байгаа юм шиг “чулууддаг” юм байна. Мөн 20 сая ам.доллар ОХУ-аас ачаад ирсэн гэх асуудалд нэр нь дуулдаж байна
Гэтэл сүүлдээ Нийслэлийн Ерөнхий Прокурор, ТЕГ-ын ажилтнуудад мөнгө тараасан гэж яригдаж эхэллээ. Эд нараас хууль бус шийдвэр гаргуулах гэж мөнгө шилжүүлсэн болов уу гэх хардлага өөрийн эрхгүй төрж байна.
Улсын Ерөнхий Прокурорын орлогч М.Чинбатыг ангийнхаа охинд тусалсан гэнэ. Гэтэл нэг оны төгсөлт доктор Д.Янжинхорлоог хуурамчаар гарын үсэг зураад, хуурамч үл хөдлөхийн гэрчилгээ гаргуулсан хэргийг "Гэмт хэрэг биш" гэж үзснийг ухаад ойлгож чадсангүй. Б.Баасанцогтын байшин сав, авгай хүүхний тоо асуудлаас илүү энэ илүү ноцтой зүйл болохоор үе үе 50 мянган доллар солиулдаг баян өмгөөлөгч Б.Баасанцогтыг сайн шалгахгүй бол, Монгол Улсын ҮАБЗ-д ийм өмгөөлөгч ажилладаг гэхээр үнэндээ эвгүй байна.
