Италийн цагдаа үндсэрхэг болон жүүдийн эсрэг үзлийг үзэл баримтлалаа болгосон шинэ нацист нам байгуулах гэсэн хуйвалдааныг илрүүлж үүсгэн байгуулагчдыг нь баривчилсанаа зарлажээ. Одоогоор баривчлагсадын нэрсийг нууцалж байна. Шинээр байгуулагдах нам нь Италийн ажилчны-социалист нам гэдэг нэртэй байжээ. Сицилийн арал болон Альпийн мужуудын 16 хотод зэрэг явагдсан ажиллагаагаар хуйвалдагчдыг баривчилж намын үүрийн байрыг нь илрүүлж Адольф Хитлерийн хөрөг, хас тэмдэгт туг, сурталчигааны материал, ном сонин хураан авчээ. Баривчлагааны үеэр нэлээд хэмжээний галт зэвсэг, түүний дотор агаараас эсэргүүцэх пуужин хоёрын зэрэг гарч иржээ. Хуулийнхан шинэ нацист нам байгуулахаар хуйвалдаж байгаа хэргийг хоёр жилийн өмнөөс илрүүлэн мөрдсөн байна. Мөн цагдаагийн мэдэгдсэнээр энэ хуйвалдаанд Англи, Португал, Францын үндсэрхэг үзэлтнүүд, хэт барууны талыг баримтлагчид холбоотой нь баримтаар нотлогдоод байгаа аж.
