Манай улсад хоногт илрэх халдварын тоо 800-д хүрч, гурван хоногийн дотор 8 хүн нас барсан тохиолдлууд бүртгэгдлээ. Үүнтэй холбогдуулан ЭМЯ 21-28 хоног хатуу дэглэм тогтоох саналаа УОК-т танилцуулсан байна. Учир нь халдвар энэ эрчээрээ өдөрт 500 давж бүртгэгдээд байвал энэ сарын сүүлчээр мянга давж, нас баралт эрс нэмэгдэнэ гэсэн эрдэмтдийн тооцоо гарсан билээ. Эцсийн шийдвэрийг Засгийн газар гаргах бөгөөд Засгийн газрын өнөөдрийн хуралдаанаар цар тахлын нөхцөл байдлын талаарх асуудлыг хэлэлцэж байгаа. Хурлын шийдвэр хараахан гараагүй байна.

Зарим эх сурвалжаас авсан албан бус мэдээлэлд нийслэлд 10 хоногийн хатуу хөл хорио тогтооно гэсэн мэдээлэл ч байгаа юм.