НИТХ нь ТББ-уудтай гэрээ байгуулахдаа лут. Ялангуяа Шадар сайд С.Амарсайханыг даргаар ажиллаж байхад маш олон ТББ-тай гэрээ байгуулсан агаад энэ “амжилт”-аараа бусад дарга нараасаа хол түрүүлсэн. Тэгвэл өнгөрсөн 3-р сард “Мэргэшсэн нэвтрүүлэгчдийн холбоо”-тай гэрээ байгуулж урьчилгаанд нь 7,7 сая төгрөг өгчээ. Нэрнээс нь үзэхэд ТВ-ийн нэрвтрүүлэгчдийг эгнээндээ нэгтгэсэн ТББ бололтой. Шадар сайдын эхнэр Ч.Ичинхорлоо нэрт нэвтрүүлэгч агаад мэдээж мэргэжлийн хүн тул энэ байгууллагийн гишүүнчлэлтэй байх магадлалтай юм. НИТХ нь ТББ-уудтай байгуулсан гэрээний тухай мэдээллээ шилэн дансандаа тун зальжин аргаар оруулдаг нь С.Амарсайханы үеэс эхэлсэн. Тэд шилэн дансандаа гэрээ, шийдвэрийнхээ хуулбарыг зориуд оруулдаггүй тул ямар ТББ-тай, ямар гэрээ байгуулсаныг нь нарийн тогтоох боломжгүй үлддэг. Одоогийн дарга Ж.Батбаясгалан ч өмнөх удирдлагынхаа “мэргэн” санааг үргэлжлүүлэн НИТХ-ээс ТББ-уудтай байгуулсан гэрээгээ нуусаар байна.
