Монгол Улсын Хөдөлмөрийн баатар, олимпын аварга Н.Түвшинбаяр энэ сарын 1ны өдөр Улсын өсөх идэр начин Э.Энхбат сэхээнд ортол зодсон хэрэг гарч нийгмийг цочроогоод авсан. Улсын өсөх идэр начин Э.Энхбат нь оройн 23 цагийн алдад ГГСҮТ хүргэгдэн ирж эмчлэгдэж байгаад энэ сарын 12-ны өдөр Hunnu air компани онгоцоор эмчилгээ хийлгэхээр БНСУ-ыг зорьсон билээ.
Түүний биеийн байдлын талаар ар гэрийнхнээс нь тодруулахад дараах тайлбарыг өгчээ. Улсын өсөх начин Э.Энхбатын биеийн байдал хүнд байгаа бөгөөд одоогоор ухаан ороогүй сэхээнд байна. Түүний хоёр уушги нь бүрэн устсан. Хэрэв аппаратыг нь салгавал зүрх нь шууд зогсох эрсдэлтэй байна. Тийм учраас нарийн шинжилгээ хийгдэх боломжгүй хэвээр байна. БНСУ нарийн мэргэжлийн эмч нар түүнийг биеийн дархлаа сайтай тулдаа өдий хүртэл тэсэж байна хэмээн ар гэрийнхэнд мэдээлсэн байна. Улсын өсөх идэр начин Э.Энхбат нь эх орондоо эмчлэгдэж байх хугацаанд гавлын яс нь тодорхой гурван газраа гарсан байдалтай байсан.
