Ардчилалын эзэн болсон гэгддэг АН хагарал, бутралаа хавиар нэг зарлаж, нийгмийн элэг доог болсоор. Парламентийн цөөнх болсон АН-ын гишүүд өчигдөр талбайд суулт зарлахаа мэдэгдэж, нэр бүхий таван гишүүд Сүхбаатрын талбайн тэрий голд гудас мишокоо нөмөрч, хонов. Тэр хооронд СЕХ С.Эрдэнийг Ерөнхийлөгчийн сонгуульд нэр дэвшигчээр бүртгээд авчихсан гэж байгаа.
УИХ-ын гишүүн Д.Ганбат өнөөдрийн чуулганаар гудамжны хувцастай чуулганы индерээс үг хэлэв. Монгол Улсын Төрийн ордны тухай хуулийн 10.7-д “Төрийн ордонд ажилладаг албан хаагч нь ажлын байрандаа албаны хувцастай байна”, Монгол Улсын Төрийн ордны хамгаалалт, үйлчилгээний журмын 3.18-д “Биеийн тамирын, чөлөөт амралтын, хэт богино банзал, этгээд загварын гэх мэт хувцастай хүмүүсийг Төрийн ордонд нэвтрүүлэхгүй” гэсэн бадаг билээ.
