Төв талбайд өлсгөлөн зарлаж буй УИХ дахь АН-ын бүлгийн гишүүд дээр УИХ-ын дарга Г.Занданшатар очиж уулзсан билээ. Энэ үеэр тэрбээр гишүүдийг өлсгөлөнгөө зогсоохгүй бол би ирж суулт хийнэ хэмээн мэдэгдсэн.

Үүний дараа УИХ дахь АН-ын бүлгийн гишүүд төв талбайд хуралдаж, цаашид хэрхэхээ ярилцсан ажээ. 

Тэгвэл дөнгөж сая гишүүд төрийн ордонд орж УИХ-ын дарга Г.Занданшатартай уулзсан байна.

УИХ-ын дарга Г.Занданшатар өөрийн цахим хуудсаар "АН-ын гишүүдтэйгээ уулзлаа. Ажлын хэсэг байгуулж, хамтран ярилцаж, гарц шийдэл олохоор тохиров. Өнөөгийн энэ байдлаас МАН-ын, АН-ын, ардчиллын нэр хүнд л хохирно. Эцэст нь Монгол Улс, Монголын ард түмний эрх ашиг хохирно" хэмээн жиргэлээ.