Монгол Улсын Ерөнхий сайд Л.Оюун-Эрдэнийн тэргүүлсэн Засгийн газрын 100 хоногт зориулсан ярилцлагыг шууд дамжуулж байна.

Ерөнхий сайд Л.Оюун-Эрдэнэ цар тахлын нөлөө арилахгүй бол одоо олгож буй хөнгөлөлтийг он дуустал үргэлжлүүлэхээр төлөвлөж байгаа талаар дурдлаа.  

Долдугаар сарын нэгнээс аж ахуй нэгжүүдийн татвар, ус дулаан, тогны мөнгөө төлж эхэлнэ. Хүүхдийн мөнгө хасагдана. Тэгвэл энэ хэцүү цагт эдгээр шийдвэрээ үргэлжлүүлж болох эсэхийг сэтгүүлч асуулаа.

Ерөнхий сайд Л.Оюун-Эрдэнэ хариулахдаа “Цар тахлын нөлөө гүйцэд арилахгүй бол он дуустал сунгана гэж урьдчилсан байдлаар төлөвлөж байна. Төсөвт асар их эрсдэл учруулж болзошгүй. Вакцинжуулалт хурдан хийгээд, эдийн засаг эргэж сэргээд, үзүүлэлтүүд сайжирвал энэ халамжуудаас татгалзана. Гэхдээ шууд татгалзахгүй. Үе шаттай хийнэ” гэв.