Өөрийгөө 51 хэмээн нэрлүүлж бизнесээрээ дамжуулан олон охид эмэгтэйчүүдийг хүчирхийлж байсан нь илчлэгдсэн ч төлбөртэй ярилцлага өгөн өөрийгөө өмгөөлсөөр байгаа Ц.Анандбазар намаасаа хөөгдөхөөр болжээ. Учир нь түүнийг өөрийнхөө хүсэлтээр шалгуулахгүй бол намаасаа хөөнө гэж МАН-ын дарга У.Хүрэлсүх өчигдөр "ТВ9 телевиз"-д өгсөн ярилцлагынхаа үеэр мэдэгдсэн юм.
Тэгвэл өнөөдөр МАН-ын Хяналтын хороо /2021.05.13/ 12.00 цагт хуралдаж УИХ-ын гишүүн Ц.Анандбазарыг түдгэлзүүлэх асуудлыг хэлэлцжээ.
Хяналтын хорооноос шийдвэрээ гаргаж үүсээд буй нөхцөл, байдалтай холбоотойгоор гишүүн Ц.Анандбазарыг МАН-ын гишүүнчлэлээс түдгэлзүүлжээ.
УИХ-ын гишүүн Ц.Анандбазарын хувьд охид, эмэгтэйчүүдэд бэлгийн дарамт учруулсан, хүчирхийлсэн гэх хэрэгт нэр холбогдон цагдаагийн байгууллагад шалгагдаж буй юм. Тиймээс Хяналтын хорооноос түүнийг хуулийг байгууллагаар шалгуулж гэм, буруутайгаа тогтоолгох хүртэл МАН-ын гишүүнчлэлээс түдгэлзүүлж байгаа аж.
