Засгийн газрын ээлжит хуралдаанаар нийслэлийн тулгамдаж буй асуудлуудыг хэлэлцэх үеэр Шадар сайд С.Амарсайхан дараах саналыг хэлэв.

Тэрбээр “Эхний ээлжид зөвхөн гэр хорооллын иргэдээ орон сууцжуулах хэрэгтэй. Хашаагаа орон сууцаар сольж байгаа иргэдийг л орон сууцны зээлд хамруулахгүй бол байртай иргэд энэ зээлд хамрагдаж олон байртай болдог. Гэтэл байргүй нь энэ зээлд хамрагдаж чаддаггүй. Тиймээс Барилга, хот байгуулалтын яам, нийслэлийн удирдлагууд эхний ээлжид гэр хорооллын иргэдээ орон сууцжуулах бодлогоо хатуу баримтлахгүй бол гэр хорооллоосоо амархан салахгүй шүү” гэлээ.  

Шадар сайдын хэлснээс үзвэл эцэг эхийнхээ эзэмшлийн байрны хажуу өрөөнд амьдардаг өөрийн гэсэн орон гэргүй залууст ипотекийн зээл олдох боломж хомсдох нь.