Д.Ганбат: Задарсан улстөрчид, ядарсан иргэдээ бодмоор байна
Байнгын хороодын зүгээс гаргасан Монгол Улсын Ерөнхийлөгчийн сонгуулийн тухай хуульд өөрчлөлт оруулах тухай хуульд бүхэлд нь тавьсан Монгол Улсын Ерөнхийлөгчийн хоригийг хүлээн авах боломжгүй гэсэн дүгнэлтийг дэмжих эсэх талаар санал хураалт явуулахад гишүүдийн дийлэнх дэмжлээ.
Ингэснээр Монгол Улсын Ерөнхийлөгчийн тухай хуульд өөрчлөлт оруулах тухай хууль хүчин төгөлдөр үлдлээ.
УИХ-ын гишүүн Д.Ганбат: Та нар хэтэрхий улайрч байна. Ийм их бяртай байгаа дээрээ ядарсан ард иргэдээ бод л доо. Үндсэн хуульдаа нэг мөр өөрчлөлт оруулчих. Шүүхийн хуулийг засаад сайн болгосон гэсэн ч ҮХЦ дээр гацчихсан. Сонгогдох Ерөнхийлөгч нь зургаан жилээр сонгогдоно. АТГ-ын дарга болон орлогч даргыг томилохгүй. Шүүгчийг мөн томилохгүй гэж байгаа. Гэтэл яагаад үүнийг ҮХЦ дээр гацаагаад байгаа юм.Танай хэн нэгэн хүн гарвал өөрчлөх гэж байгаа юм уу. Ингэж хүндээ тохируулсан хууль гаргаж өөрчилж болохгүй. Задарсан улс төрчид, ядарсан ард түмнээ бод. Та нарыг аяыг ард иргэд дийлэхгүй нь. Үг хэлэхийг Д.Ганбатаар тасаллаа гэсэн Ж.Мөнхбат, Ч.Хүрэлбаатар ороод ирсэн байна. Ингэж болохгүй. Миний араас тархи угаах мэдээллээ өгөх гэж байгаа бололтой. Нэг намын дарангуйлал өдөр өдрөөр илэрч байна. Зургаадугаар сарын 9-нд ард түмэн та нарт дүн тавьж хаалтаа хаана.УИХ-ын гишүүн Ш.Адьшаа: Та бүхнийг түүх шүүнэ. Хариуцлагаа та нар хэзээ нэгэн цагт хүлээх болно. Хууль зүйн байнгын хороо, УИХ-ын удирдлага хуулийг буруу тайлбарлаж нийгэмд буруу ойлголт өгч байна. Үүнийхээ хариуцлагыг хэзээ нэгэн цагт хүлээх болно шүү. Хууль гэдэг тогтолцоог өөрчлөх, тогтолцооны тухай ойлголт. Гэтэл Ерөнхийлөгчийн сонгуулийн тухай хуулийг нэг хүнд зориулж баталсан. Ийм парламент байж болох уу. Нэг хүнд зориулж, нөгөө хүний эсрэг хууль баталдагаа зогсоох хэрэгтэй. Зургаан жилийн биш жаран жаранд хэрэгжих хууль хэрэгтэй. Түдгэлзсэн хуулийн заалтыг баримталж сонгуульд нэр дэвшигчийг бүртгэсэн. Цаашид энэ асуудал яах юм. Өнөөдөр болж байгаа мэт боловч түүх шүүнэ. Цаг хугацаа харуулна. Энэ гажуудлаа залруулахыг УИХ-ын гишүүний хувьд шаардаж байна.
УИХ-ын гишүүн Н.Ганибал: Бүрэн эрхийг нь бүгдийг булаачихаар цаашид Ерөнхийлөгчтэй байх хэрэг байна уу. Бүх ард түмнээс сонгогдсон Ерөнхийлөгчийн бүрэн эрхэд үнэхээр хүндэтгэлгүй хандаж байна. Ерөнхийлөгчийн хориг гэж байхгүй болсон юм шиг л хандаж байна. Аливаа асуудлыг судлах боломжуудыг нь тооцохгүйгээр бүх хуулийн минутаар хэрэгжүүлэхээр баталж байна. Монгол Улсын Ерөнхийлөгчийн хориг бүр байхгүй боллоо гэж ойлгож байна. СЕХ бүртгэлийн үйл ажиллагаа явуулах процессыг УИХ-ын Тамгын газрын нэг ажилтан хууль тайлбарлаад бүртгэл явагдчихсан. Хариуцлагыг нь энэ ажилтан хариуцах юм уу. Эсвэл тайлбар тавиад байгаа Байнгын хороо хариуцах юм уу. Ерөнхийлөгчийн сонгуульд маш их хэмжээний зардал гарна. Сонгуулийн процесст асуудал үүсч Цэц дээр унах юм бол гарсан бүх зардлыг энэ хүмүүс төлөх ёстой. Бүрэн эрхийг нь бүгдийг булаачихаар цаашид Ерөнхийлөгчтэй байх хэрэг байна уу.
Сэтгэгдэл
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
hyngeah
2 жилийн өмнө
46.161.11.8
https://bestadalafil.com/ - can i buy cialis online Cjapfo If you have a weakened immune system you may need antifungal treatment with amphotericin B fluconazole or itraconazole. <a href="https://bestadalafil.com/">cialis for sale</a> Ebpycn Purchasing Generic Dutasteride Tablets Discount Low Price Pcqlyj https://bestadalafil.com/ - Cialis Domperidone Drug From Australia
Төстэй мэдээ
