Бэкстрит Бойз (англ. Backstreet Boys) нь 1993онд Америкийн Флорида мужийн Орландо хотоос төрөн гарсан поп хөгжмийн хамтлаг юм. Хамтлаг Брайан Литтрелл, Ник Картер, Хоуи Дороу, Эй Жей Маклин болон Кевин Ричардсон нарын 13-20 орчим насны залуучуудын бүрэлдэхүүнтэйгээр уран бүтээлээ туурвин Backstreet Boys (1996), Backstreet’s Back (1997) цомгуудаараа хөгжмийн ертөнцнөө танигдаж эхэлсэн түүхтэй. Харин Millennium (1999), түүний дараагийн Black & Blue (2000) цомгууд нь хамтлагийн нэр хүндийг маш өндөрт өргөж өгсөн юм. Гурван жил уран бүтээлээсээ завсарлага авсаныхаа дараа Бэкстрит Бойз гурван цомгийг хөгжим сонирхогч залуустаа Never Gone (2005), Unbreakable (2007) болон This Is Us (2009) нэртэйгээр хүргэсэн билээ.
2006 онд хамтлагийн гишүүн загвар өмсөгч, хөгжмийн зохиолч Кевин Ричардсон хамтлагаа орхиж хамтлаг үндсэн дөрвөн хүний бүрэлдэхүүнтэйгээр дээрх Unbreakable, This Is Us цомгуудаа гаргасан юм.
Бэкстрит Бойз хамтлаг дэлхий даяар 130 сая хувь цомгийг борлуулсан амжилтаараа бүх цаг үеийн түүхэнд хамтлагуудын хувьд шилдэг амжилтыг тогтоосон бөгөөд анхны долоон цомгууд нь бүгд борлуулалтаараа Billboard 200 жагсаалтын эхний 10-т багтсан нь Английн алдарт «Шадей» хамтлагаас хойшхи анхны тохиолдол болж байсныг хэлэх юун.
1996 оноос эхлэн дэлхий даяар нэрд гарч, охид залуусын шүтээн болж байсан алдарт “Backstreet boys” хамтлагийг мэдэхгүй хүн ховор биз. Дуулсан дуу бүр нь хит болж, хайрын захианд дарагдаж явсан арын гудамжны хөвгүүд өдгөө гучин нас хэдийнэ гарсан идэр залуус болсон. Тэдний алдрын замнал нэлээд хугацаанд үргэлжилсэн ч дуучид тус тусынхаа замыг хөөж, зарим нь бүр ганцаараа дуулж хүртэл үзсэн гэдэг.
