Улсын аварга Д.Сумъяабазар бөхийн карьерээ дуусгаад улс төрд орж, УИХ-ын гишүүн, Уул уурхай, хүнд үйлдвэрийн сайд, Нийслэлийн намын хорооны дарга гэхчлэн албан тушаалын шатаар хурдан ахиж яваа. Д.Сумъяабазар аварга Нийслэлийн МАН-ын хорооны хувьд дүүргүүдийн намын дотоод хэрэгт оролцдог. Баянзүрх дүүргийн МАН-д байнга  гардаг хэрүүлийн ард Д.Сумъяабазар сууж байдаг гэсэн хардлага бий. Мөн Д.Сумъяабазар Сонгинохайрхан дүүргээс хоёр сонгогдсоны хувьд Сонгинохайрхан дүүргийн МАН-ын үйл ажиллагаанд идэвхийлэн оролцдог. Д.Сумъяабазарын ганц охин дүүгийн нөхөр Б.Золбоо өмнө МАХН-ын гишүүн байж, ИТХ-д хүртэл нэр дэвшиж байв. Баянгол дүүрэгт н Н.Энхбаярын намаас нэр дэвшиж явсан хүргэн хүүгээ Сонгинохайрхан дүүргийн МАН-д оруулж, ИТХ болгосон. Тэрчлэн амьдралдаа СХД-т амьдарч үзээгүй "Анод"-ын Гүр*-Аранзын хүүг мөн л СХД-т авчран, 16 дугаар хорооны ИНХ-ын дарга болгочихсон. Гүр-Аранзын хүү Төгөлдөр мисс Ч.Мичидмаагийн дүү мисс Ч.Анунтай гэрлэсэн болохоор банкирын хүүг СХД-ийн МАН-д татан авчирсан нь энэ. Ч.Анун нь УУХҮЯ-ны ТЗУГ-ын газрын дарга гэхээд Д.Сумъяабазар дүүрэгт ч, яамандаа ч хамаатнаа оруулж, ургийн модоо "ургуулж" яваа нь энэ бололтой.