М.Тулгат даргатай АН-ын бүх дансыг хаажээ

М.Тулгатын даргалж буй АН-ын удирдлагууд С.Зориг агсны хөшөөний урд талбайд мэдээлэл хийлээ.

Энэ үеэр АН-ын дарга М.Тулгат: "Өнөөдөр хэд хэдэн ноцтой асуудлаар тайлбар, шаардлага хүргүүлж байна. Нэгдүгээрт УИХ-ын дарга Г.Занданшатарын захирамжаар байгуулагдсан ажлын хэсэг гэж байгаа. АН-ын дотоод асуудалд хууль тогтоох байгууллага хөндлөнгөөс оролцож, АН-ын удирдлага байсаар атал УИХ-ын зарим гишүүдийн хууль бус шаардлагын дагуу ажлын хэсэг байгуулж, энэ ажлын хэсэг нь өчигдөр (2021.06.02) шүүх байгууллага, Сонгуулийн Ерөнхий Хороо, Төрийн холбогдох байгууллагын удирдлагуудыг дуудаж уулзаж, тодруулга авч ажилласан байна. Энэ бол улстөрийн намын үйл ажиллагаанд хөндлөнгөөс оролцож байгаа, Улстөрийн намын тухай хууль, Үндсэн хуулийг зөрчиж байгаа ноцтой асуудал. Энэ үйлдлээ таслан зогсоо, энэ захирамжаа цуцал гэдэг шаардлагыг УИХ-ын даргад хүргүүлж байна. Ер нь АН-ын асуудал энэ сонгуулийн үед маш хүнд байна.

Улсын Дээд Шүүх АН-ын бүртгэлийн асуудлыг янз бүрийн шалтаг тавьж хойшлуулсаар байгаа. Энэ нь АН-ын гишүүдэд ойлгомжгүй байдал үүсгэж байна. Хоёрдугаарт АН-ын бүх дансыг хаасан ийм байдал үүссэн байна. Орон нутаг дахь Ардчилсан намын данснуудыг хаасан. Данс хооронд гүйлгээ хийх боломжгүй боллоо. Нэг нам үнэмлэхүй ноёрхох суурийг тавьж байна гэж үзэж байна. Энэ нь алсуураа үндэсний хэмжээний АН-ыг устгах зорилготой, далдуур явуулж байгаа эрх баригчдын үйлдэл гэж үзэж, үүн дээр маш эмзэглэж, харамсаж байна. Үүн дээр асуудал тавиад, цаашаа явна гэсэн байр суурьтай байна" гэлээ.

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.