Монгол Улсын Ерөнхийлөгчийн сонгуульд "Зөв ХҮН электорат" эвслээс нэр дэвшиж буй Д.Энхбат коронавирусийн халдвар авсан нь батлагджээ.
Тэрбээр өчигдөр буюу зургаадугаар сарын 4-ний өдөр Дархан-Уул аймгаас нийслэлд ирж, эхнэрийн хамт Улсын хоёрдугаар төв эмнэлэгт хэвтэн эмчлүүлж эхэлсэн байна.
Д.Энхбат болон түүний багийнхан Дархан-Уул аймагт сурталчилгааны ажлаар явж байгаад халдвар авсан байна. Тодруулбал, тус аймаг дахь "Зөв ХҮН электорат" эвслийн анхан шатны нэгжийн дарга халдвар авсан байжээ.
Д.Энхбат сонгуулийн сурталчилгааны ажлаар Дорноговь, Говьсүмбэр аймгуудад очих дутуу байсан юм. Харин ирэх Даваа гаригт буюу энэ сарын 07-ны өдөр Ерөнхийлөгчийн сонгуульд нэр дэвшигчдийн мэтгэлцээн болох бөгөөд одоогийн байдлаар мэтгэлцээн хойшлогдох эсэх нь тодорхойгүй байгаа аж.
Түүний хувьд Синофарм вакцины эхний тунг тариулсан байжээ. Хоёрдахь нь олон нислэгийн өмнө таарч бсан учир хямрахаас болгоомжилж хойшлуулаад явж байсан гэжээ.
